د کندهار د کرنې او مالدارۍ رياست چارواکي وایي، په دې ولایت کې هره ورځ د چرګانو له فارمونو څخه دېرش ټنه د چرګ غوښه توليديږي، چې له دې اړخه کندهار په خپل ځان بسيا شوی دی.
په عین وخت کې کندهار کې د چرګانو د غوښو د تولید د مرکزونو مسوولين وایي له ګاونډیو هېوادونو د چرګانو د واردولو مخه نېول شوې ده.
افغانستان تر ډېره د چرګانو غوښته به ګاونډیو هېوادونو واردوله خو اوس په کور دننه د هېواد په ډیری سیمو کې د چرګانو فارمونه شته دي چې د خلکو اړتیا پوره کولی شي.