هند له ناکامې تجربې وروسته بیا سپوږمۍ ته ستوربېړۍ لېږي

که هند دا ځل دغه چارو کې کامیاب شي، نو څلورم هېواد به شي چې پر سپوږمۍ خپله ستوربېړۍ خوندي کېني او د کم لګښته تشیالي ځواک باور به یې زیات شي.
له دې مخکې روسیې، امریکا او چین د سپوږمۍ پر مخ بریالی ماموریت کړی دی.

د هند د تشیالي څېړنو ادارې مشر سیون خبریالانو ته وویل، چندریان درې به هم د پخواني ماموریت په څېر دی.
چندریان دوه د هند د تشیالي ادارې تر ټولو پېچلی ماموریت و، موخه یې د سپوږمۍ پر سوېلي څنډ کېناستل و چې تراوسه د کوم بل هېواد دلته نه دی رسېدلی. موخه یې هم د اوبو او منرانونو په هکله څېړنې او پر سپوږمۍ د زلزلې د ځواک اندازه کول و.
خو تېر سپټمبر دا خورا د لوړې کچې سپومیز عملیات هغه مهال ناکام شو چې ستوربېړۍ بې کنټروله او د سپږمۍ پر مخ وغورځېده.
* پګي وایټسون؛ په فضا کې تر ټولو ډېره اوسېدلې مېرمن
* که لمر کې توپان پېښ شي، ځمکه به څنګه شي؟
کي سېون وايي، دا نوې ستوربېړۍ به هم په همغه سیمه کېني او د پلان له مخې ټول وسیال به ولري:
د دې وسایلو بیه ۳۵ میلیونه ډالره ده چې د سونتوکو بیې سره لا نوره زیاتېږي.
د تشیالي ادارې سلاکار وزیر جتندر سینګ وايي، نوی ماموریت ډېر کم لګښته دی.
هغه له ټایمز اف انډیا ورځپاڼې سره خبرو کې ویلي، د هند اربېتر لا د مخه سپوږمۍ کې دی، ځکه یې لګښت کمېږي.