ایرنا- د افغان خبری آژانس دراپور له مخی، د عراق رسمی خبری سرچینو نن سهار وویل چې د ایران د اسلامی انقلاب د سپاه پاسداران ځواک د قدس غونډ قومندان جنرال سردار سلیمانی د الحشد العشبی ولسی ځواک د قومندان له ځای ناستی ابو مهندس مهدی سره یوځاې شهید شو .
دخپریدو نیټه :جمعه ۱۳ جدی ۱۳۹۸ ساعت ۱۰:۵۲
د مطلب کود : 199525
د عراق رسنیو د دغه هیواد د رسمی چارواکو په قول وویل په سردار سلیمانی او ابو مهدی مهندس هغه وخت برید شو کله چې دوې په دوو (۲) ګاډو کښې د بغداد له نړیوال هوایی ډګر څخه ووتل او دواړه شهیدان شوی دی .
ویل کیږی چې د ایران د سپاه پاسداران د قدس غونډ قومندان جنرال قاسم سلیمانی له لبنان څخه د بغداد نړیوال هوایی ډګر ته ورغلی وو .
د عراق خبری سرچینې وایی چې د امریکا هیلی کوپټرو د سردار سلیمانی او د ابومهدی مهندس په ګاډو راکټونه ویشتلی دی .
د جنرال سلیمانی د شهادت خبر اوس د نړۍ د سیمې او دعراق د خبری رسنیو په سر کښې دی .
د ایران د اسلامی انقلاب سپاه پاسداران ځواک په یوې (۱) اطلاعیې کښې د قدس ځواک د قومندان جنرال سردار سلیمانی د شهادت خبر تاید کړ .
سپاه پاسداران وویل د اسلام سرلوړی سردار حاج قاسم سلیمانی له ډیرکلونو مجاهدت او هڅې وروسته نن سهار وختی د امریکا دهیلی کوپټرونو په برید کښې شهید شو .
د امریکا دفاع وزارت پینټاګان منلي ده چې ولسمشر ډونالډ ټرمب به سردار سلیمانی باندې د حملې حکم ورکړی وو
avapress.com/vdcgxy9qnak9yn4.1gra.html
ډیری لیدل شوي
