خوښ ديک ۰

په آلمان کي يوه سړي ۶۰۰ موټر خط کړي دي؟

د آلمان په بایرن ایالت کې یو داسې تورن کس محکمې ته حاضر کړل شوی دی چې تر ۶۰۰ ډیر موټر یې سکرچ یا خط کړي دي. پولیسو ویلي دي چې دوی ته د تورن کس د دغه کار په هکله معلومات ورکړل شوي ول او دا چې هغه یې باالفعل نیولی وو.
په آلمان کي يوه سړي ۶۰۰ موټر خط کړي دي؟
د آلمان د بایرن ایالت اړوند د شواین فورت په نامه ښار کې یو۲۶ کلن تورن کس محکمې ته حاضر کړل شوی دی چې د معلوماتو له مخې نوموړي د سلګونو موټرو رنګ ته زیان رسولی دی.
پر نوموړي کس د ۲۰۱۸م کال د فبروري او اپریل میاشتې په موده کې د عامه خلکو جایدادونو ته د زیان رسولو تور پورې کړل شوی دی.
د معلوماتو له مخې دغه کس په دې موده کې شاوخوا ۶۴۲ موټر د یوې تیرې آلې په واسطه خط کړي دي او د دغو موټرو رنګ ته یې زیان رسولی دی. د چارواکو په خبره د نوموړي د دغه کار له امله شاوخوا یو میلیون ډالر زیان اوښتی دی.
د بایرن ایالت په شواین فورت، ورزبورګ او همدا راز د وایتزهوشهایم په ښارونو کې د دغه راز کارونو شکایت شوی وو.
 
جمعه ۲۰ جدی ۱۳۹۸ ساعت ۰۹:۱۰
د مطلب کود: 200224 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *