دخپریدو نیټه :سه شنبه ۲۴ جدی ۱۳۹۸ ساعت ۱۱:۴۸
د مطلب کود : 200624
بلخ کې چاودنو دوه ماشومان وژلي نهه تنه ټپیان دي
د بلخ امنیتي چارواکي وايي، د مزارشریف ښار په نهمه امنیتي حوزه کې د دوو پر له پسې چاودنو له امله دوه ماشومان وژل شوي او د یو پولیس په ګډون ۹ تنه ټپیان شوي دي.

د بلخ د امنیه قومندانۍ ویاند عادل شاه عادل د سې شنبې په ورځ د «مرغومې پر ۱۴مه» امریکا غږ ته وویل، چې دغه چاودنې نن سهار د یو سیمه ییز قوماندان د کور ومخته د ځای پر ځای شوو ماینونو له امله رامنځته شوي دي.
عادل زیاته کړه، چې په دې اړه د دوی څېړنې پیل شوي دي.
بلخوا عیني شاهدانو امریکا غږ اشنا ته وویل، چې دغه چاودنې د دې ولایت د بلخ د ولسوال ګلباز خان د کور ومخته شوي دي.
په بلخ کې د ابو علي سینا بلخي روغتون یو نوکریوال ډاکټر شفیق شایق امریکا غږ اشنا ته وویل، چې د پېښې له ځایه دوی ته دوه مړي او شپږ ټپیان وروړل شوي دي.
تر دا مهاله د دغه چاودنې مسؤلیت کومې وسله والې ډلې په غاړه نه دی اخیستی
 
https://avapress.com/vdcj8ye8xuqeymz.b,fu.html
تبصره پوسټ کړئ
ستاسو نوم
ستاسو دبرېښنا ليک پته