خوښ ديک ۰

افغانستان کې د پیسو لېږلو لپاره تر بانکونو حواله غوره بلل کېږي

د افغانستان حکومت بیا هڅه کوي چې په دې هېواد کې د مالي نظام د تنظیم لپاره د ونډۍ (حوالې یا صرافۍ) دودیز سیستم ورو ورو په مالي شرکتونو بدل کړي. په افغانستان کې د ونډۍ یا حوالې (صرافۍ) له فعالیته نږدې یوه نیمه پیړۍ تیریږي او ښکاري چې دا کاروبار لا د غوړېدو په حال کې دی. یواځې په پلازمېنه کابل کې د ونډیو اته ځانګړي مارکېټونه فعال دي چې د هټیو شمېر يي له دوه زرو اوړي، په همدې ډول په هر ولایت کې لږ تر لږه د صرافیو یو ځانګړی مارکېټ او څو څانګې فعاله دي.
افغانستان کې د پیسو لېږلو لپاره تر بانکونو حواله غوره بلل کېږي

د صرافانو ټولنې مرستیال عبدالرحمن ځیرک وايي د هغو اسانتیاوو له امله چې د دوی په خدماتو کې شته دي، خلک ورته له بانکونو ډېر ارزښت ورکوي:
"زمونږ صرافۍ داسې چوپړونه لري چې بانکونه يي خلکو ته نشي ورکولای د بېلګې په توګه داسې شوي چې زمونږ یوه پیریدونکي په نیمه شپه پیسو ته اړتیا پېښه شوي زمونږ صراف ان تر کوره ور وړي، دلته موږ رسمیات نه کوو بلکې په باور او اعتماد مخکې ځو موږ د موسسو او دولت معاشونه تر داسې ځایونو رسولي چې هلته اصلاً بانک څوک نه پېژني."
په افغانستان کې ونډۍ د مالي را کړې ورکړې، تر ټولو پخوانی سیستم دی چې د عصري نړۍ بانکوالۍ تر څنګ فعالیت کوي.
 
سی شنبه ۲۴ جدی ۱۳۹۸ ساعت ۱۴:۱۴
د مطلب کود: 200649 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *