په آلمان کې د داسې تورنو کسانو د نیولو عملیات ترسره شوي چې ګومان کیده په دې هیواد کې بریدونه پلانوي. په بریلین کې څارنوالانو ویلي دي چې هدف یې چیچنیايي اسلامستان ول چې غوښتل یې یو برید پلان کړي.

د آلمان په څلور ايالتونو کې د سه شنبې په سهار (۲۰۲۰م کال د جنوري میاشتې ۱۴مه نیټه) پر ځينو کورونو باندې چاپې وهل شوي دي. د چارواکو په خبره دغه چاپې د داسې اسلامپالو د نیولو له پاره شوي چې غوښتل یې یو احتمالي برید پلان کړي.
د برلین څارنوالانو د دې چاپو په هکله پر خپله ټویټر پاڼه لیلکي دي: «د پلټنې [دغه عملیات] لا هم ادامه لري او پکې چیچینايي اسلامپاله اتباع په نخښه شوي دي.»