د زابل ولایت شهر صفا ولسوالۍ کې د سړک غاړې ماین چاودنې د برېښنا شرکت پنځه کارکوونکي وژلي دي.
د زابل ولایت د والي ویاند ګل اسلام سیال وایی، پېښه د زابل ولایت شهر صفا ولسوالۍ “زیارت” سیمه کې داسې مهال رامنځته شوې، چې د برېښنا شرکت د کارکوونکو موټر د سړک غاړې پر ماین وربرابر شوی او چادنه یې کړې ده.
د افغانستان د برېښنا شرکت وايي، یاد کسان د غزني – کندهار ته د غځېدونکي وارداتي برېښنا لېږدوونکي مزي انجینیران وو، چې د شهر صفا سیمه کې پرې چاودنه شوې ده.
برېښنا شرکت وايي، چاودنه مرګ ژوبله لري، خو د وژل شویو د شمېر په اړه یې څه ندي ویلي.
یاده پېښه نن ( پنجشنبه مرغومې ۲۶ ) شاو خوا دوولس بجي رامنځته شوې ده.
سرچينه : د صدای افغان خبری آژانس(آوا)