خوښ ديک ۰

یمن کې د توغندي له امله ۸۰ پوځیان وژل شوي

یمن کې د پوځیانو پر روزنځي د توغندي غورځېدو له امله ۸۰ کسان وژل شوي دي. چارواکي وايي، د یمن منځني ولایت ماریب کې د دې برید له امله لسګونه کسان ژوبل شوي هم دي. چارواکي وايي، ښايي مړي ډېر شي. دا روزنځی د یمن د پلازمېنې صنعا ختیځ ته په ۱۷۰ کیلومترۍ کې پروت دی. پوځي سرچینو رویټرز خبري اژانس ته ویلي، دې روزنځي کې یو مسجد هغه مهال په نښه شو چې پوځيان پکې لمانځه ته ټول شوي وو.
یمن کې د توغندي له امله ۸۰ پوځیان وژل شوي
تراوسه د دې برید مسوولیت چا نه دی منلی، خو د یمن حکومت پر حوثي وسلوال د دې برید مسوول بولي.
د یمن ولسمشر منصور هادي دا برید غندي او زیاتوي: دا برید ښيي چې حوثي وسلوال د امن کومه هیله نه لري.
تېر کال اګسټ کې هم حوثي وسلوالو عدن ښار کې پر پوځي پرېډ توغندی ګوزار کړ چې پکې ۳۲ کسان ووژل شول.
 
دوشنبه ۳۰ جدی ۱۳۹۸ ساعت ۱۴:۲۲
د مطلب کود: 201254 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *