کد QR مطلبدریافت صفحه با کد QR

چین د افغانستان لپاره تازه استازی ګمارلی

د صدای افغان خبری آژانس(آوا) , 3 دلو 1398 ساعت 12:08

د چین د بهرنیو چارو وزارت وايي چې بیجینګ د افغانستان لپاره “لیو جیان” د ځانګړي استازي په توګه ګمارلی دی.



ښاغلي لیو افغانستان، مالیزیا، پاکستان او څو نورو هېوادونو کې د چین د سفیر په توګه د کار تجربه لري.
له هغه مخکې"دنګ شې جنګ"  د افغانستان لپاره د چین ځانګړي استازي په توګه کار کاوو.
د چین د بهرنیو چارو وزارت ویاند، ګینک شوانګ وايي:«چین تل د افغانستان سولې بهیر او پخلاینې کې په جدي توګه ګډون کړی دی او هغې ته یې پرمختګ ورکړی او د ښکيلو غاړو همغږي او پر افغانستان پورې تړلې نړیوالې همکارۍ یې مهمې ښکاره کړې دي. د افغانستان لپاره د چین مخکني ځانګړي استازي د افغانستان سیاسي حل لاره کې مثبته ونډه درلوده. هغه په دې وروستیو کې "آسیان " کې د چین د سفیر په  توګه ګمارل شوی دی.»
د چین د بهرنیو چارو وزارت ویاند وايي چې د افغانستان لپاره نوی استازی به یې هڅه و کړي، څو افغانستان کې سوله تامین شي.
هغه زیاتوي:«چین به افغانستان کې سولې ته د رسیدو لپاره خپله ونډه ترسره کړي.»
 چین د افغانستان سولې بهیر کې فعالو هېوادونو بلل کېږي، دغه هېواد د افغانانو ترمنځ د سولې یوې دورې د خبرو کوربتوب ژمنه یې کړې ده، خو تر اوسه دا خبرې نه دي ترسره شوې.
 


د مطلب کود: 201599

دمطلب پته :
https://www.avapress.com/ps/news/201599/چین-د-افغانستان-لپاره-تازه-استازی-ګمارلی

آوا
  https://www.avapress.com