تایلنډ کې د مخدره موادو مخنیوي چارواکو له هغه وروسته بښنه غوښتي چې په تېروتنه یې له لسګونه زره امفتامین نومې مخدره ګولیو ډک موټر لیلام کې پلورلی.

چارواکو دغه هونډا سي - ار - وې ډوله موټر پروسږ کال په عملیاتو کې نیولی و او په دا وروستیو کې یې د ۵۸۶ زره باټ ( ۱۹۰۰۰ ډالره) بدل کې لیلام کړ.
خو کله چې دغه موټر د ځینې سمونونو او ترمیم لپاره ګاراج ته واستول شو، یوه مستري یې له بمپره د مخدره موادو ۹۴ زره ګولۍ وموندلې.
چارواکو ویلي، دوی به راتلونکي کې پلټنې لا سختې کړې.