خوښ ديک ۰

علي وزیر: پاکستانی حکومت دوکه باز او ظالم حکومت دی

د پښتون ژغورنې دغورځنګ مخکښ غړی علي وزیر وایي، دوی به د ریاست له دې ظلم نه هیڅکله هم ونه ویریږي. وزیر زیاته کړه، دوی د ریاست د ظلم پر خلاف راپورته شوي او هیڅکله به له خپلې مبارزې په شاه نه شي. علي وزیر دا خبرې په ټولنیزه میډیا کې په یوه ویډیوي پيغام کې کړي دي. علي وزیر ویلي، پښتانه د ډاډ خلک نه دي او هیڅکله به له خپلې مبارزې تیر نه شي او نه هم دپاکستان له دا ډول کارونو وویریږي. هغه په خپلو خبرو کې پاکستان حکومت ته په تونده لهجه ګواښ وکړ ، چې د دې کار بدله به ورکړل شي.
علي وزیر: پاکستانی حکومت دوکه باز او ظالم حکومت دی
علي وزیر وویلې، پاکستان حکومت تل له پښتنوسره ظلمونه او له دوی سره یې دوکې کړې او هیڅکله به دوی له دې وروسته دریاست په خبرو ونه غولیږي.
د ده په خبره ټول پښتانه دسولې غوښتونکې دي خو په خبره یې پاکستانی حکومت سوله نه غواړي.
نوموړي د پاکستان د دفاع وزیر خټک د هغې غوښتنې چې له پښتون ژغورنې غورځنګ ته یې د خبرو بلنه ورکړې وه وویلې، د پاکستان حکومت سره خبرې وخت ضایع کول دي.
یوځل بیا لر او بر پښتانه د پاکستان پر حکومت وروسته له هغې په غوصه شوي ، کله چې پاکستانیو پولیسو د پښتون ژغورنې غورځنګ مشر منظور پښتین له خپلو نورو ملګرو سره ونیوه.
علي وزیر ویلي، پاکستان حکومت تل په پښتنو ظلمونه کړي او له دې وروسته به د دې ظلم مخنیوی کوي.
د پښتین په نیول کیدو سره په ټولنیزه میډیا کې هم سخت غبرګونونه پورته شوي دي.
د بښنې نړیوالې ادارې اسیا څانګې هم  د پښتین دژر او پرته له قید او شرطه د خوشې کیدو غوښتنه کړې ده.
د پښتون ژغورنې د غورځنګ ګڼو نورو غړو هم د پاکستان حکومت ته ګواښ کړی او ویلي یې دي که د دوی مشر پښتین ژر خوشې نه کړي نو پاکستاني حکومت ته به سخت تمام شي.
د یادولو ده چې له دې وړاندې په پاکستان کې دپښتون ژغورنې دغورځنګ غړي هم پاکستاني حکومت نیولي خو دا لومړی ځل دی، چې د یاد غورځنګ مشر پښتین پاکستاني پولیس نیسي.
 
سی شنبه ۸ دلو ۱۳۹۸ ساعت ۰۹:۱۴
د مطلب کود: 202046 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *