خوښ ديک ۰

د بښنې نړیوال سازمان: افغانستان د کوچنیانو لپاره د نړۍ تر ټولو خونړی هېواد دی

د بښنې نړيوال سازمان _ امنيسټي انټرنشنل افغانستان د کوچنيانو لپاره د نړۍ تر ټولو يو خونړی هېواد بللى دى . د دغه سازمان يو تازه رپوټ وايي، د تېر ميلادي کال په لومړيو ٩ مياشتو کې شاوخوا ٢٤٠٠ افغان کوچنيان يا وژل شوي او ياهم ژوبلېدلي دي.
د بښنې نړیوال سازمان: افغانستان د کوچنیانو لپاره د نړۍ تر ټولو خونړی هېواد دی

په افغانستان کې د کوچنيانو او ولسي خلکو د مرگژوبلې او کډوالو د ناوړه حالت په اړه دغه موندنې د سازمان د اسيا او اوقيانوسیه د بشري پېښو په کلني رپوټ کې راغلې دي.
۲۰۱۹ کال سر تر پایه په ملکي مرګژوبلې وینلړلی و، دا د بښنې نړیوال سازمان رپوټ وايي او زیاتوي، جولای پکې تر ټولو له مرګ ژوبلو ډکه میاشت وه او پکې بیا د افغانستان کړکېچ د ثبتو شویو شمېرو له مخې ماشومانو ته د نړۍ تر ټولو مرګونی و.
د دغه سازمان په تفصیلي رپوټ کې راغلي په سلګونو زره انسانان په کور دننه بې ځایه شوي. نیم میلیون کډوال له ګاونډیو هېوادونو په زور ستانه کړای شوي او په زرګونه نور بیا له اروپايي هېوادونو په تېره بیا ترکیې افغانستان ته شړل شوي.
 
پنجشنبه ۱۰ دلو ۱۳۹۸ ساعت ۰۹:۴۵
د مطلب کود: 202251 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *