په غور کې د لس ورځنیو مدني اعتراضونو د لمنې ورټولولو لپاره د معترضانو په غوښتنه د مرکزي حکومت یو پلاوی چغچران ښار ته رسېدلی او له معترضانو سره یې په یو شمېر مواردو هوکړه کړې ده.
حکومتي پلاوي، له لسو ورځو راهیسې غور کې روان اعتراضونه ختم کړل
12 دلو 1398 ساعت 11:49
په غور کې د لس ورځنیو مدني اعتراضونو د لمنې ورټولولو لپاره د معترضانو په غوښتنه د مرکزي حکومت یو پلاوی چغچران ښار ته رسېدلی او له معترضانو سره یې په یو شمېر مواردو هوکړه کړې ده.
د ولسمشرغني د سلاکار اسدالله فلاح په مشرۍ دغه اووه کسیز پلاوي معترضانو ته ژمننه ورکړې چې حکومت به د لعل و سرجنګل د ۴۰ کیلو متره سړک تر څنګ ۴۰ کېلو متره بل سړک هم دغه ولایت ته جوړوي او مصارف به یې د ۱۳۹۹ کال په مالي بودیجه کې ځای کوي.
دغه پلاوي سره تللي د بریښنا شرکت استازي ناصر احمد هم معترضانو ته ژمنه وکرړې چې راتلونکي کال کې به د چغچران د خلکو د بریښنا ستونزه ورحلوي، خو په بدل کې به یې اوس معترضان دولتي ادارو ته د کار اجازه ورکوي او خپل اعتراضونه به ختموي.
له دغه اووه کسیز پلاوي سره د ولسي جرګې یو پلاوی هم په چغچران کې ملګری شوی او پر حکومت یې ټینګار کړی چې دغور د خلکو لپاره به حکومت انکشافي بودیجه زیاتوي.
د غور خلکو له ۴۰ ورځو راهیسې تحصن پیل کړی او له لسو ورځو راهیسې یې ټولې دولتي ادارې تړلې وې، تر څو حکومت ورته د روان مالي کال په بودیجه کې انکشافي پروژې ورکړي، ۱۰۰ کیلو متره سړک ورجوړ کړي او د بریښنا بند ورته ودروي.
د مطلب کود: 202408