خوښ ديک ۰

د لندن بریدګر امان څوک و؟

سوېلي لندن کې هغه بریدګر وپېژندل شو چې پرون یې پر خلکو د چاکو برید وکړ او وروسته د پولیسو ډزو کې ووژل شو.
د لندن بریدګر امان څوک و؟
شل کلن سودېش امان د ترهګریزو جرمونو له امله د درې کاله او څلور میاشتو نیمه سزا پوره کړې وه او یوه اونۍ وړاندې خوشی شوی و.
د چاکو برید کې یې درې کسان ټپي کړل، خو د یوه حالت هم د اندېښنې وړ نه دی.
د برتانیا لومړي وزیر بوریس جانسن له پېښې وروسته وویل، د دوشنبې په ورځ(نن) حکومت له هغو کسانو د خلاصون لپاره- چې د ترهګرۍ جرم باندې سزا هم ور کړل شوې- په نظام کې د بنسټیز بدلون لپاره نور پلانونه اعلانوي.
له دې مخکې ښاغلي جانسن ټوېټري پیغام کې وویل، زړه یې دې پېښه کې له ټپي شویو سره دی.
نوموړي د بېړنیو چارو ادارې له کارمنانو هم مننه وکړه.
 
دوشنبه ۱۴ دلو ۱۳۹۸ ساعت ۱۰:۴۱
د مطلب کود: 202624 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *