د سولي او شخړو د مطالعاتو مرکز مشر او سياسي فعال حکمت خلیل کرزي نن په کابل کي د امريکا د سفارت د نوی ټاکل سوي سفير، راس ولسن سره په خپل کاري دفتر کي وکتل.
دواړو لورو د امريکا او افغانستان پر ګډو همکاريو اوپر یو شمېر مهمو موضوعاتو خبري وکړې.
ښاغلي کرزي په دې کتنه کي د افغان سولې دپاره د امريکا هڅي ستايلي او سوله يې د افغانستان دپاره خورا اړينه بللې ده.
نوموړي د امريکا نوي سفير ته ويلي، د دواړو هيوادونو ګډه همکاري کولای سي چي د سولي بهير بريالی کړي.
د امريکا سفير راس ولسن ژمنه کړې ده چي د افغانستان او امريکا تر منځ دوه اړخيزي اړيکي به نوري هم قوي کوي او د سولې دپاره به ټولي ممکنه لاري په کار اچوي.