خوښ ديک ۰

د تېلو او ګازو اتحادیې مسؤلینو دکندهاروالي سره وکتل

د ګازو او تېلو اتحادیې مسؤلینو ولایت مقام کې کندهار والي حیات الله حیات سره لیدنه کې وویل، په ښار کې د احتمالي خطرونو د پېښېدو د مخنیوي په موخه یې د ګازو شرکتونه له ښاره لیرې ساحې ته انتقال کړي او په ښار کې یوازې فرعي نماینده ګي لري، خو په وینا یې د ځینو مسؤلینو له لوري وخت ناوخته د یادو فرعي څانګو د فعالیت پر وړاندې خنډونه رامنځته کېږي. دوی د یادې ستونزې ترڅنګ یو شمېر نورې حقوقي ستونزې هم شریکې کړې او له کندهار والي یې د همکارۍ غوښتنه وکړه.

کندهار والي حیات الله حیات راغلو مسؤلینو ته ښه راغلاست ووایه او د تېلو او ګازو د نرخونو د کنټرول په برخه کې يې د هغوی د وروستیو هڅو قدرداني وکړه.
ښاغلي حیات له دوی څخه وغوښتل، چې خپلې ستونزې په لیکلې بڼه ولایتي ادارې سره شریکې کړې، څو د یو ګډ هیئت په مرسته په خپل وخت لازم اجراات ترسره شي.
کندهار والي ولس ته د اسانتیاوو رامنځته کولو او د نرخونو پر لا کنټرول ټینګار وکړ او د تېلو او ګازو اتحادیې مسؤلینو ته یې لارښوونه وکړه، چې د ورکړل شوې لایحې مطابق تېل او ګاز وپلوري.
 
پنجشنبه ۲۴ دلو ۱۳۹۸ ساعت ۱۵:۳۹
د مطلب کود: 203414 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *