خوښ ديک ۰

ترکیې ته د افغان سوداګرو تیښته او هلته پانګونه

د افغانستان د سوداګرۍ او صنعت خونه تائیدوي چې په سلګونه افغان سوداګر تیر کال ترکیې ته تللي او هلته یې پانګونه کړې ده. د نارينه و ترڅنګ یو شمیر ښځینه افغان تجارانو هم په ترکیې کې پانګونه کړې ده.
ترکیې ته د افغان سوداګرو تیښته او هلته پانګونه
د نا امنیو ترڅنګ د سړي تښتونې په څیر جنایي پيښو د افغانستان په لویو ښارونو کې د سوداګرو ژوند ستونزمن کړی دی. د افغانستان د سوداګرۍ او صنعت خونه وایي چې په سلګونو افغان سوداګر له دې هیواده وتلي او په نورو هیوادونو کې یې پانګونه کړې ده.
سمیرا وایي: «په افغانستان کې وضعه خبرابه ده، چاودنې او ځانمګري بریدونه دي. څوک پانګونې ته زړه نه ښه کوي. سربیره پر دې دلته (ترکیه کې) ښځو ته هم درناوی کیږي.»
سمیرا شاوخوا لس میاشتې مخکې په ترکیه کې سرمایه ګذاري وکړه او د افیون په ښار کې چې له انقرې څخه نږدې څلور ساعته واټن لري د «مهاجر» په نوم یې یو هوټل پرانیست. نوموړۍ په دې رسټورانټ کې خپلو پیرودونکو ته افغاني خواړه لکه، منتو، قابلي، بولاني او نور.... وړاندې کوي.
سمیرا وایي چې زیاتره پيرودونکي یې افغانان دي خو د سیمې خلک هم دې رسټورانټ ته ورځي. د هغې په خبره ډیر شمیر افغانانو په ترکیې کې پانګونه کړې ده. دا وایي چې په ترکیې کې داسې ډیر افغانان پيژني چې دلته یې کورونه اخیستي دي او پانګونه یې کړې ده او غواړي چې په ترکیه کې اقامت ترلاسه کړي.
 
شنبی ۲۶ دلو ۱۳۹۸ ساعت ۱۵:۰۴
د مطلب کود: 203525 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *