خوښ ديک ۰

ملګري ملتونه:دافغان سولې پروسه له نږدې څاري

ملګري ملتونه وايي، د افغان سولې په پروسه کې د پاکستان رول ټاکونکی دی او دوی دا پروسه له نږدې څاري. د ملګرو ملتونو سرمنشي انټونیو ګوتریش په اسلام اباد کې له افغان کډوالو د پاکستان د څلوېښت کلن کوربتوب په مناسبت جوړې شوې ناستې ته ویلي، د سیمه ییزې اجماع د جوړولو په برخه کې د پاکستان رول ټاکونکی او اړین و. هغه روان مذاکرات حیاتي بللي او په اړه یې خوشبیني ښودلې ده. د ملګرو ملتونو سرمنشي انتونیو ګوتریش د میلیونونو افغان کډوالو د کوربه‌توب په خاطر پاکستان وستایه. هغه زیاته کړه د پاکستان خلکو د میلیونونه افغانانو کوربه‌توب کړی دی له هغوی سره‌یې ټول امکانات شریک کړي دي." ګوتریش افغانستان ته له پاکستانه د افغان کډوالو په خپله خوښه ستنېدو ټينګار وکړ او د نړۍ په هېوادونو یې غږ وکړ چې له پاکستان سره په دې برخه کې مرسته وکړي .
ملګري ملتونه:دافغان سولې پروسه له نږدې څاري
دوشنبه ۲۸ دلو ۱۳۹۸ ساعت ۱۳:۰۲
د مطلب کود: 203685 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *