خوښ ديک ۰

له اقلیمي بدلون سره د نړۍ د شتمن جېف بیزوس ۱۰ میلیارد ډالري مرسته

د امازون شرکت رییس جېف بیزوس چې د ۱۳۰ میلیاردو ډالرو په درلودو سره د نړۍ لومړی شتمن دی وايي، سږکال دوبی به لس میلیارده ډالره د ځمکې د ګرمېدو او اقلیمي بدلون سره د مبارزې په پار ولګوي. دا د نوموړي په لویه کچه تر ټولو زیات لومړی خیریه کار دی. پر ښاغلي بیزوس انساني چارو کې د کمې ونډې اخیستو له کبله نیوکه وه. نوموړي دوشنبه (د فبروري په ۱۷مه) په خپل یوه انسټاګرامي پوست کې ویلي وو، چې دا پیسې به د هغو پوهانو، فعالانو او هغو ډلو چې د ځمکې د ګرمېدو پر وړاندې هڅې کوي؛ پر فعالیتونو ولګوي: "غواړم له اوسنيو پرمختګونو سره مرسته وکړم، همدارنګه هڅه کوم چې د ځمکې د ګرمېدو پر وړاندې یوه نوې لار ومومم."
د اقتصاد په برخه کې د رسنیو د راپورونو پر بنسټ، د ښاغلي بیزوس شتمني شاوخوا ۱۳۰ میلیارده ډالره ده. د ځمکې د ګرمېدو په برخه کې د ده ۱۰ میلیارده مرسته د انسان دوستۍ برخه جوړوي.
د امازون شرکت یو شمېر کارکوونکو څو ځله له خپل رییسه غوښتي وو چې د ځمکې د ګرمېدو پر وړاندې فعالیتونو کې ډېره برخه واخلي. د دوی له ډېرو هڅو سره- سره د ښاغلي بیزوس پام دې مرستې ته واوښت.
 
سی شنبه ۲۹ دلو ۱۳۹۸ ساعت ۱۳:۰۵
د مطلب کود: 203763 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *