خوښ ديک ۰

کرزی: د ټاکنو پروسه "غیر ملي او ولسواکۍ سره په ټکر کې وه"

د افغانستان پخواني ولسمشر حامد کرزي ویلي، د ولسشمرۍ ټاکنو پروسه غیر ملي او له ولسواکۍ سره په ټکر کې وه، او بهرنیانو په افغانستان کې د خپلو ګټو او هدفونو لپاره دا پروسه عملي کړه.
کرزی: د ټاکنو پروسه "غیر ملي او ولسواکۍ سره په ټکر کې وه"

ښاغلي کرزي نن چارشنبه په یوه خپره کړې اعلامیه کې ویلي، ده وار له مخې دا وړاندوینه کړې وه چې ولسمشریزې ټاکنې به "بحران" زېږوي، ځکه چې د ده په نظر، په افغانستان کې "رڼو او بې پرې ټاکنو" ته شرایط نه وو برابر او باید پر ځای يې د سولې پر پروسه ټينګار او تمرکز شوی وای.

د نوموړي په وینا، په تېرو ولسمشریزو ټاکنو کې د خلکو کم ګډون وښوده چې دا بهیر غیر ملي او د ولسواکۍ له اصولو سره په ټکر کې و.

حامد کرزي په خبر پاڼه کې همدا راز په اوسني وضعیت کې خلک یو والي ته وربللي. ده هیله څرګنده کړې چې افغانان پخپل هېواد کې ژر تر ژره د تل پایه سولې شاهدان و اوسي او په ټاکنو کې د سولې په فضا کې خپل برخلیک "پخپل لاس" وټاکي.

پخواني ولسمشر حامد کرزي ان له ټاکنو وړاندې ویلي وو چې د دې پروسې پر ځای باید افغان حکومت او سیاسیون د سولې بهیر ته پام وکړي، او له سولې وروسته خپل سیاسي برخلیک وټاکي.

له دې سره سم د جنبش اسلامي ګوند مشر او په تېره دوره کې د ولسمشر محمد اشرف غني ویاند جنرال عبدالرشید دوستم هم نن چارشنبه د ولسمشرۍ ټاکنو وروستۍ پایلې رد کړې.
پنجشنبه ۱ حوت ۱۳۹۸ ساعت ۱۲:۱۵
د مطلب کود: 203877 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *