کد QR مطلبدریافت صفحه با کد QR

ولسمشر غني ته د اروپايي ټولنې د همکارۍ ژمنه او د بریا مبارکي

1 حوت 1398 ساعت 12:50

اروپايي اتحادیې پرون د فبرورۍ په ۲۰مه ولسمشر محمد اشرف غني ته د جمهوري ریاست په ټاکنو کې د بري مبارکي ورکړې او ویلي یې دي چې د داسې حکومت د جوړولو لپاره چې د ټولو افغانانو استازیتوب وکړي، د غني د تعهد هرکلی کوي.
د اروپايي ټولنې په خبرپاڼه کې لیکل شوي چې د دې ادارې د بهرني سیاست او امنیتي پالېسۍ لوی استازي، جوزف بوریل له ولسمشر غني سره ټیلیفوني خبرې کړي او هغه ته‌یې د بري مبارکي ورکړې ده.
جوزف بوریل له اشرف غني سره په ټیلیفوني خبرو کې، د دې هرکلی کړی چې د افغانستان تاکنیزو شکایتونو او څېړنو بهیر چې څو میاشتې وخت‌یې ونیو، د ټولو خواوو په شراکت کې پای ته ورسېد.
د اروپايي اتحادیې دې لوړ رتبه استازي د افغانستان د ټاکنو خپلواک کمېسون کار هم ستایلی دی.



د اروپايي اتحادیې د بهرني سیاست او امنیتي پالېسۍ لوی استازي، همداراز ویلي چې په افغانستان کې یې تل د اساسي قانون او ډیموکراتیکو بنسټونو ملاتړ کړی دی.
هغه په افغانستان کې د ولسمشریزو ټاکنو پایلو ته په اشاره کې ویلي چې د جمهور رئيس محمد اشرف غني په مشرۍ د نوي حکومت سره همکاري ته تیار دي.
جوزف بوریل تأکید کړی چې اوس دا لومړیتوب لري چې په افغانستان کې د داسې سولې لپاره چې ټول برخه په‌کې ولري، ملاتړ وشي.
 


د مطلب کود: 203914

دمطلب پته :
https://www.avapress.com/ps/news/203914/ولسمشر-غني-ته-د-اروپايي-ټولنې-همکارۍ-ژمنه-او-بریا-مبارکي

آوا
  https://www.avapress.com