امریکا متحده ایالتونو، انګلستان او جرمني د ملګروملتونو د امنیت په شورا کې د سوریې پر رژیم غږ وکړ چې په ادلب کې د ترکیې د څار په نقطو بریدونو پایته ورسوي .

2 حوت 1398 ساعت 20:51

په ملګروملتونو سازمان کې د امریکا دایمي استازې کیلي کرافټ د امنیت په شورا کې په خپله وینا کې وویل ، پداسې حال کې چې په سوریه کې بې ګناه او مظلوم ماشومان د یخنۍ او بې کورۍ له امله ژوند د لاسه ورکوي د اسد د رژیم پلویان روسیه، ایران او حزب الله ډله د پوځي بري سورې او نعرې وهي.


کرافټ زیاته کړه ، د امریکا په توګه د ناټو په سازمان کې د خپل نږدې متفق هیواد  ترکیې نه چې  د سوري کډوالو سره د مرستې په برخه کې تر ټولو دروند بار په اوږو کړی دی د مشروع منافعو نه  قوي ملاتړ کوو او د نښتو له امله ترکیې ته د کډوالو د نوې څپې د ماتیدو په اړه د ترکیې اندیښنې درکوو.
همداشان  د روسي مقاماتو لخوا پر ترکیې د سوریې په شمال لویدیځ کې  د تاوتریخوالي د کچې د لوړولو اړوند  تورونو لګول په کلکه توګه ردوو. پرته د شکه  چې  په سوریه کې د ټولو ناخوالو او ستونزو یواځنی لامل د اسد رژیم  او د هغه ملاتړي روسیه  او ایران دي.
کرافټ وویل چې امریکا  په سیمه کې د اوربند د ټینګولو او اسد رژیم ځواکونه  په ۲۰۱۸ کال کې لاسلیک شوي د سوچي هوکړه لیک کې ټاکل شوو سرحدونو ته د بیرته په شا کیدو په خاطر د ترکیې سره په ګډه ډیپلوماتیکو هلو ځلو ته دوام  ورکوو.
همداشان پدې غونډه کې  په ملګروملتونو سازمان کې د جرمني دایمې استازي کرستوف هاسین په ادلب کې د ترکیې د څار د نقطو په سیمه کې د تاریخوالي په اړه اندیښنه وښوده.
هغه وویل چې د جرمني په توګه د اسد د رژیم نه هر څه ژر په ادلب کې د ترکیې پر وسله والو ځواکونو د بریدونو د درولو او د تاریخوالي د کچې د راټیټولو غوښتنه کوو.
د انګلستان دایمې استازي کیرن  پیرس بیا وویل چې " پر ترکیې بریدونه باید هر څه ژر ودرول شي ځکه چې ترکیې تل په ادلب کې د سوله ایز حل لارې په خاطر هلې ځلې کړي دي. همداشان په سیمه کې هر ډول  تاوتریخوالی پر ترکیې چې  د څه باندې ۳ نیم میلیونو تنو سوري کډوالو دروند بار او مسئولیت يي په غاړه اخیستی دی منفي اغیزې کولی شي. جرمني پدې اړه اندیښمنه ده. "
 


د مطلب کود: 203954

دمطلب پته: https://www.avapress.com/ps/news/203954/امریکا-متحده-ایالتونو-انګلستان-او-جرمني-د-ملګروملتونو-امنیت-په-شورا-کې-سوریې-پر-رژیم-غږ-وکړ-چې-ادلب-ترکیې-څار-نقطو-بریدونو-پایته-ورسوي

آوا
  https://www.avapress.com