کندهار پوهنتون کي محصلینو ۹مه د حوت د ملي امنیتي او دفاعي ځواکونو ملي ورځ ولمانځل، چي د ولایت مقام د ټولنیزو چارو مرستیال حاجي اغالالي دستګیري ترڅنګ د پوهنتون استادانو، ملي، امنیتي او دفاعي ځواکونو، سلګونه محصلینو او مدني فعالانو هم ګډون کړی وو.
د غونډي په پيل کي د ولایت مقام د ټولنیزو چارو مرستیال حاجي اغالالي دستګیري د امنيتي ځواکونو د قربانیو او سرښندونو ستاينه وکړه او وویل، امنیتي ځواکونو شپه او ورځ په ځان يو کړې او د هېواد د فرد فرد د سر او مال څخه د ساتني په موخه د خپل سر په قربانیو خدمت کوي، تر څو د وطن شان او وقار وساتي.