دخپریدو نیټه :چهارشنبه ۷ حوت ۱۳۹۸ ساعت ۱۹:۳۹
د مطلب کود : 204352
د افغانستان د ولسمشرۍ ماڼۍ وايي، له پراخو او هر اړخیزو کورنیو او بهرنیو سلامشورو وروسته د ولسمشر محمد اشرف غني د لوړې مراسم، چې په پام کې وه، د کب پر ۸مه ترسره شي، د کب تر ۱۹، یعنی د مارچ میاشتې تر نهمې نېټې پورې وځنډول شول.
له ارګه خپره شوې ویناپاڼه وايي، د لوړې د مراسمو ځنډېدو په تړاو د هېواد له سیاستوالو، قومي مشرانو او د افغانستان له نړیوالو شریکانو سره هر اړخیزه مشورې شوې دي.
د ویناپاڼې له مخې، "د کورونا ویروس د خپرېدو اوازې، د بهرنیو، لوړرتبه مېلمنو د راتګ لپاره د وخت کمی او مراسمو لپاره د لا ډېر تخنیکي چمتوالي اړتیا، د دې سترې ملي برنامې د ځنډ اساسي لاملونه دي."
په ورته وخت کې، د افغانستان د سولې لپاره د امریکا د بهرنیو چارو وزارت استازي زلمي خلیلزاد په خپل تازه ټویټ کې ویلي، د افغانستان ولسمشرۍ ټاکنې پای ته رسېدلې دي او محمد اشرف غني یې ګټونکی اعلان شوی دی.
 
https://avapress.com/vdcbsab55rhbgfp.q3ur.html
تبصره پوسټ کړئ
ستاسو نوم
ستاسو دبرېښنا ليک پته