خوښ ديک ۰

د ولسمشر غني د لوړې مراسم د مارچ تر نهمې وځنډول شول

د افغانستان د ولسمشرۍ ماڼۍ وايي، له پراخو او هر اړخیزو کورنیو او بهرنیو سلامشورو وروسته د ولسمشر محمد اشرف غني د لوړې مراسم، چې په پام کې وه، د کب پر ۸مه ترسره شي، د کب تر ۱۹، یعنی د مارچ میاشتې تر نهمې نېټې پورې وځنډول شول.
له ارګه خپره شوې ویناپاڼه وايي، د لوړې د مراسمو ځنډېدو په تړاو د هېواد له سیاستوالو، قومي مشرانو او د افغانستان له نړیوالو شریکانو سره هر اړخیزه مشورې شوې دي.
د ویناپاڼې له مخې، "د کورونا ویروس د خپرېدو اوازې، د بهرنیو، لوړرتبه مېلمنو د راتګ لپاره د وخت کمی او مراسمو لپاره د لا ډېر تخنیکي چمتوالي اړتیا، د دې سترې ملي برنامې د ځنډ اساسي لاملونه دي."
په ورته وخت کې، د افغانستان د سولې لپاره د امریکا د بهرنیو چارو وزارت استازي زلمي خلیلزاد په خپل تازه ټویټ کې ویلي، د افغانستان ولسمشرۍ ټاکنې پای ته رسېدلې دي او محمد اشرف غني یې ګټونکی اعلان شوی دی.
 
پنجشنبه ۸ حوت ۱۳۹۸ ساعت ۱۱:۲۷
د مطلب کود: 204383 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *