قطر کې د طالبانو او امریکا ترمنځ د سولې تر هوکړې وروسته، کابل کې افغان ولسمشر محمد اشرف غني خبریالانو ته وویل، په دې تړون کې د ۵۰۰۰ طالب بندیانو خوشې کېدو لپاره هېڅ ژمنه نه شته او د بین الافغاني خبرو لپاره به د مخشرط په توګه نه مطرح کېږي.
کله چې له افغان ولسمشر وپوښتل شول، که امریکا وغواړي چې طالب بندیان خوشې کړئ، څه به کوئ؟
د نوموړي ځواب دا وی چې:
دخپریدو نیټه :يکشنبه ۱۱ حوت ۱۳۹۸ ساعت ۱۷:۰۹
د مطلب کود : 204610
"د بندیانو خوشې کول د امریکا صلاحیت نه دی موږ له امریکا سره د بندیانو د خوشې کېدو پر سر موافقه نه لرو. دا د افغان حکومت صلاحیت دی، چې یوازې په هر اړخیزو خبرو کې مطرح کېدای شي. امریکا اسانچارې ده، چې د تصمیم معنا نه لري. له ښاغلي خلیلزاد او ټولو امریکايي ځواکونو وپوښتئ، چې په دې اړه بشپړ وضاحت لري."
ښاغلي غني وویل، له طالبانو سره د افغان حکومت خبرو کې د هغوی د بندیانو خوشې کېدل نه شي راوستلی کېدای: "خو دا شرط نه شو ګڼلی، دا ځل ښه نیت مطرح نه دی."
ولسمشر غني وویل، د طالب بندیانو د خوشې کېدو په اړه "باید افغان ولس باور وي، هغه چې خوشې کېږي، د ملت پر واندې به نه درېږي او وسلې ته به مراجعه نه کوي."
ده وویل، په دومره لویه کچه د بندیانو خوشې کول وخت ته اړتیا لري: "یوازې ۱۰۰ کسان خوشې کول وخت غواړي، ۵۰۰۰ خو لا پرځای پرېږده، اجنډا مشخصه ده، دوی به هم غوږ نیسي موږ هم بحث به پرې کوو."
avapress.com/vdciz5arut1auq2.k6ct.html
