خوښ ديک ۰

سمنګانو کې د کرونا تازه پېښه ثبت شوې

په سمنګانو ولایت کې په کرونا د اخته کېدو تازه پېښه ثبت شوې.
د عامې روغتیا وزارت ویاند وحید مایار وایي، په دې سره په هېواد کې د کرونا د مثبتو پېښو شمېر پنځو ته ورسېد.
تر دې وړاندې کرونا ویروس څلور مثبتې پېښې په هرات کې ثبت شوې، چې د عامې روغتیا وزارت په وینا څلور واړه کسان د ایران څخه راغلي وو.
خو په سمنګان ولایت کې د ثبت شوې پېښې په اړه د عامې روغتیا وزارت معلومات نه دي ورکړی، چې آیا دغه کس هم له ایران څخه راغلی او که څنګه.
یادونې وړ ده چې‎ په هرات کې د کرونا د لومړۍ مثبتې پېښې تر ثبتېدو وروسته د افغانستان د عامې روغتیا وزارت په دغه ولایت کې بېړنی حالت اعلان کړی و او له خلکو یې څخه غوښتي و چې له بېځایه ګرځېدو څخه ډډه وکړي.
سی شنبه ۲۰ حوت ۱۳۹۸ ساعت ۱۰:۵۲
د مطلب کود: 205201 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *