خوښ ديک ۰

"پاکستان د چمن لار خوراکي توکو او ترانسپورت ته بېرته پرانیزي"

پاکستان کې افغان سفیر عاطف مشعل ویلي، د پاکستان د هغې پرېکړې هرکلی یې کړی چې له جمعې ورځې راهیسې به د چمن دروازه د خوراکي توکو او ترانسپورت پر مخ بېرته پرانیزي. ښاغلي مشعل پر ټوېټر لیکلي، پاکستان دا ګام د دغه هېواد د بهرنیو چارو له وزارت سره تر اوږدو خبرو وروسته اخیستی دی.

نوموړی وايي، د کورونا وېروس د وېرې خپرېدو پرمهال دغه ګام د دواړو هېوادونو د دوه اړخیزو اړیکو ښه کېدو پایله کېدای شي.
د مارچ پر دویمه پاکستان د کورونا وېروس په تړاو اندېښنو له کبله په چمن کې له افغانستان سره د یوې اوونۍ لپاره خپله دروازه وتړله.
که څه هم د چمن پر دروازه د تېرې یوې میاشتې راهیسې مساپر څارل کېږي او د کورونا وېروس له معاینې وروسته پاکستان ته د تګ اجازه ورکول کېږي، خو بیا هم پاکستاني چارواکي په دې وېره کې دي چی هسې نه کوم مساپر له افغانستانه دا وېروس پاکستان ته انتقال کړي.
پر چمن دروازه هره ورځ تر شلو زرو زیات کسان تګ راتګ کوي. یوازې لسګونه یې د پاسپورټ د لارې پاکستان ته ځي خو زرګونه یې بیا پرته له پاسپورټه تګ راتګ کوي په دې ډله کې شاوخوا درې زره یې سوداګر او هټيوال دي، چې له کرښې ها غاړې نه وېش بازار ته د کاروبار لپاره راځي.
د روانې مارچ میاشتې پر ۱۶مه، پاکستان د تورخم لویه لار د هر ډول مساپرو او بار وړونکو ګاډو د تګ راتګ پرمخ وتړله.
 
پنجشنبه ۲۹ حوت ۱۳۹۸ ساعت ۱۴:۴۱
د مطلب کود: 205799 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *