خوښ ديک ۰

کورونا وېروس؛‌ افغانستان له ځینو هېوادونو سره دوه اړخیزه الوتنې درولې

د افغانستان ملکي او هوايي چلند ادارې د کورونا وېروس پراخېدو مخنیوي په موخه له څو هېوادونو سره دوه اړخیزه الوتنې درولې دي. د دغې ادارې مشر محمد قاسم وفایي زاده بي بي سي ته وویل، له همدې امله دوو کورنیو هوايي شرکتونو کابو ۱۸ میلیون ډالر تاوان کړی دی.

افغانستان هم له دې امله، چې د نورو هېوادونو الوتنو د افغانستان له هوايي حریم د تېرېدو کچه کمه کړې ده،‌ په تېرو دوو اونیو کې شاوخوا پنځه میلیون ډالر زیان لیدلی دی.
کورونا وېروس خپرېدو نه یوازې په نړیواله کچه د سر زیان اړولی، بلکې په هېوادونو کې،‌ په بېلابېلو برخو، په ځانګړې توګه په اقتصادي برخه کې زیان اړولی دی.
ددغو اقتصادي زیانونو یو ډول د هوايي لارو له درکه د پیسو لاسته راوړل او د الوتنو درېدل یادولی شو چې د افغانستان د ملکي خدمتونو او هوايي چلند په وینا، په وروستیو دوو اونیو کې د کورونا وېروس د وېرې له کبله د شرکتونو کابو اتیا سلنه الوتنې نورو هېوادونو ته کمې شوې او افغانستان ته هم د بهرنیو هېوادونو نژدې ۵۰ سلنه الوتنې کمې شوې دي.
د کورونا وېروس د وېرې له خپرېدو سره ښايي ددغو الوتنو کچه تر ۹۰ سلنه راټیټه شي:
"د افغانستان هوايي چلند ملکي خدمتونو اداره هم د سیمې او نړۍ په شان د کورونا وېروس پراخېدو له امله اغیزمنه شوې ده. اوس موږ له چین، هند، تاجکستان، ازبکستان، سعودي عربستان سره د دوه طرفه پروازونه په بشپړه ډول درولي دي او له ایران سره مو پروازونه ۹۰ سلنه کم شوي دي. له ترکیې او دوبۍ سره پروازونه دوام لري، ځکه موږ د ترانزیت له پلوه د دغو دوو هېوادونو په هوايي ډګرونو پورې تړلي يو."
 
شنبی ۲ حمل ۱۳۹۹ ساعت ۰۸:۲۵
د مطلب کود: 205834 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *