خوښ ديک ۰

کورونا وېروس: د افغانستان ګڼو ولایتونو کې بندیزونه لګول کېږي

د افغانستان د یو شمېر ولایتونو چارواکو اعلان کړی دی چې د کورونا وېروس د مخنیوي په موخه به په دې ولایتونو کې د عادي‌ ژوند پر ځینو برخو او کاروبارونو بندیز لګول کېږي، او یوازې د ورځني ژوند لپاره اړین ځایونه به پرانیستي‌ وي.‌
د افغانستان د عامې روغتیا وزارت د روغتیايي خدمتونو مرستیال ډاکتر فدا محمد پیکان نن په یو خبري کنفرانس کې وویل، که د کابل په ګډون په نورو ښارونو کې د کورونا ویروس مثبتې پېښې زیاتې شي، نو په دې ښارونو کې به ګرځ‌بندیز اعلان کړي.
دې وزارت تېره ورځ په هرات، فراه او زرنج ښارونو کې په ګرځېدو بندیز اعلان کړی دی.
په ورته وخت کې د افغانستان په یو شمېر ولایتونو کې د کورونا د وېروس د مخنيوي کمېټې جوړې شوې دي او پرېکړې یې کړي چې په بازارونو کې به له خوراکي توکو پرته نور د هرڅه فعالیت بندوي.

کندهار

په دې لړ کې د کندهار والي حیات الله حیات په مشرۍ د کرونا ویروس د مخنیوي کمېټې پرېکړه کړې چې سرله راتلونکې شنبې(مارچ ۲۸) له نانوایانو، د خوراکي توکو پلورنځي ، ترکاري او مېوه پلورونکو، قصابانو او د روغتیايي سکټور پرته د بل هېڅ صنف غړي، هوټلونه، رسټورانونه، د تعمیراتي توکو پلورنځي، ټول مېله ځایونه، حمامونه، سلمانۍ او نورې پلورنځۍ به تر دویم امره د فعالیت اجازه نه لري.
د کندهار والي وايي، که څوک سرغړونه کوي باید د اړوندو مسؤلینو له لوري یې فعالیت بند کړل شي.
همدارنګه په دې ولایت کې د سره صلیب کمېټې یا(آی.سي.آر. سي) د کورونا ناروغۍ د کنټرولولو لپاره په یوه ځانګړې سیمه کې بیړني درمل زېرمه کړي او د اړتيا په حالت کې به ترې کار اخلي.
د دې کمېټې په مرسته په میرویس روغتون کې ۹ نرسان په دندو ګومارل شوي او همدارنګه ۱۵ نور یې په سرحدي سیمو کې د کویډ-۱۹ د څارلو په موخه په دنده ګومارلي دي.
 
پنجشنبه ۷ حمل ۱۳۹۹ ساعت ۱۸:۵۸
د مطلب کود: 206239 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *