کد QR مطلبدریافت صفحه با کد QR

کورونا وېروس: افغان حکومت لس زره بنديان خوشي کوي

8 حمل 1399 ساعت 8:10

افغانستان کې د کورونا وېروس سره د مبارزې په موخه له افغان زندانونو څخه شاوخوا ۱۰ زره بنديان ازادېږي.
د افغانستان لویې څارنوالۍ، روغتيا وزارت او د زندانونو د عمومي رئيس په ګډ خبري کنفرانس کې اعلان وشو، چې افغان ولسمشر محمد اشرف غني د زندانيانو د ازادولو فرمان صادر کړی دی.
افغان حکومت وايي، هغه زندانیان خوشي کوي چې د کورونا وېروس پر وړاندې له زیات خطر سره مخ دي. د افغانستان لوی څارنوال وویل، د کورني او بهرني امنیت پر وړاندې د مجرمینو ازادېدل د دغه فرمان برخه نه ده.



د افغانستان د زندانونو چارو د تنظیم عمومي رییس احمد راشد توتاخېل وايي، چې د ولسمشر محمد اشرف غني د فرمان له مخې ټاکل شوې دغه زندانیان تر راتلونکو لسو ورځو خوشي شي.
له دې سره یو ځای د افغانستان د عامې روغیتا وزیر ویلي چې زندانونه د کورونا وېروس د پراخېدو لپاره خطرناک ځای دی او په کار ده چې زندانونو کې بندیان کم شي.
په افغانستان کې په کورونا وېروس د اخته کسانو شمېر ۹۴ ته رسېدلی چې لس تازه پېښې یې په هرات او نیمروز ولایتونو کې ثبت شوې دي.
په ورته وخت کې لوی څارنوال محمد فرید حیمدي وویل ښځې، ماشومان، له ۵۵ کلنۍ نه پورته عمر لرونکې او هغه کسان چې په نا اعلاجه ناروغیو اخته دي، د ولسمشر له دغه فرمانه ګټه اخیستلی شي.
ښاغلي حمیدي ټینګار وکړ چې د زندانیانو خوشې کول یوه مسؤلانه پرېکړه ده او د خلکو د روغتیا لپاره شوې ده چې د افغان دولت بشر دوستي په ډاګه کوي.
 


د مطلب کود: 206254

دمطلب پته :
https://www.avapress.com/ps/news/206254/کورونا-وېروس-افغان-حکومت-لس-زره-بنديان-خوشي-کوي

آوا
  https://www.avapress.com