دخپریدو نیټه :يکشنبه ۱۰ حمل ۱۳۹۹ ساعت ۱۲:۳۱
د مطلب کود : 206398
هرات کې د اوړو کارخونې په ۲۴ ساعتونو کې ۳۵۰ ټنه اوړه تولیدوي
د هرات د سوداګرۍ او پانګونې خونې چارواکي وایي، د دې ولایت د اوړو کارخونې په ۲۴ ساعتونو کې ۳۵۰ ټنه اوړه تولیدوي.
د دې خونې مرستیال توریالي غوثي نن ازادي راډیو ته وویل، چې د دې ولایت د کارخونو په فعالیت سره د کرونا ویرس له امله د لارو بندېدل او قرنطین د توکیو په بیو اغېز نه دی کړی.
نوموړي وویل، چې اوسمهال په هرات کې یوازې د اوړو د تولید په برخه ۳۲ کارخونې فعالیت کوي چې د هرات سربېره نورو ولایتونو ته هم لېږل کېږی.
ښاغلی غوثي وایي، دا مهال د فراه، نیمروز او د هرات د ولسوالیو غنم د هرات مرکز ته راځي او دغه کارخونې غنم په اوړو بدلوي او بازار ته لېږي.
دا په داسې حال کې ده چې په هېواد کې د کرونا ویروس د پېښو له زیاتېدو سره حکومت هرات او یو شمېر نور ښارونه قرنطین کړل او د توکو بیې هم ورسره لوړې شوي.
https://avapress.com/vdcdn90xjyt0zs6.lb2y.html
تبصره پوسټ کړئ
ستاسو نوم
ستاسو دبرېښنا ليک پته