د افغانستان ولسمشرۍ ماڼۍ وايي، ژر به د ولسمشر غني په مشرۍ د جوړ شوي حکومت نوې کابینه جوړه او اعلان شي. د ولسمشرۍ ماڼۍ ستر سلاکار وحید عمر وايي، د کورونا وبا روان بحران د نوې کابینې جوړولو چارې پڅې کړې دي.
ښاغلي عمر دوشنبه کابل کې یوې خبري غونډې ته وویل، د ملي روغې جوړې شورا د جوړښت چارې هم په وروستي پړاو کې دي.
د نوموړي په خبره، په تېرو درېوو اونیو کې د حکومت ډېره انرژي او وخت د کورونا وېروس د مخنیوي پر لارو چارو ولګېد، خو زیاته یې کړه، ژر به نوې کابینه جوړه شي.