دخپریدو نیټه :پنجشنبه ۱۴ حمل ۱۳۹۹ ساعت ۱۰:۵۳
د مطلب کود : 206716
د افغانستان د کانونو او پټرولیم وزارت چارواکي وايي، په جوزجان ولایت کې د ګازو استخراج یا اېستلو بهیر بریالی شوی او اوس یې له یوې څا د طبیعي ګاز اېستل پیل کړي دي.

د پټرولیم وزارت د چارواکو په خبره، د دې څا د ګاز د تولید له مخې به افغان دولت ۸ اعشاریه ۵ میلیون ډالر کلنی عاید ترلاسه کړي.
د دې وزارت ویاند عبدالقدیر مطفي وايي، د ګاز او تېلو د موندلو لپاره یې د جوزجان ولایت یتیم تاق ساحه کې له دې څا د ګاز پر اېستلو بریالي شول.
د کانونو او پټرولیم وزارت په خپله فیسبوکپاڼه هم له ۳۲ شمېرې څا د ګاز اېستلو د لړۍ خبره شوې او هم زیاته شوې چې ټاکلې ده دې سیمه کې پر ۳۶ شمېره څا هم کار پیل شي.
 
https://avapress.com/vdchz-ni-23nvqd.yjt2.html
تبصره پوسټ کړئ
ستاسو نوم
ستاسو دبرېښنا ليک پته