افغانستان کې د کورونا وېروس زیاتېدو پسې نړیوال بانک له دغه هېواد سره سل میلیون ډالري بېړنۍ مرسته تصویب کړه، چې له دې وېروس سره یې مقابله کې وکاروي.
دا مالي اداره د جمعې په ورځ( د اپرېل ۳) یوه اعلامیه کې وايي: دا مالي مرسته د افغانستان ۳۴ ولایتونو کې له کورونا وېروس سره د مقابلې لپاره د روغتیايي خدمتونو د پیاوړتیا لپاره ده.
نړیوال بانک زیاتوي، دا مرسته به پر کورونا اخته کسانو، د دې ناروغۍ له خطر سره مخ افغانانو، ډاکټرانو، روغتیاپالو، روغتونونو او لیبارټریو ولګول شي.