د افغانستان روغتیا وزارت مني چې د دغه وزارت درې مرستیالان یا معینان له دندو ګوښه کړل شوي دي.
لا هم د دې کسانو د لرې کولو دلیل نه دی ډاګیز شوی.
د روغتیا وزارت ویاند وحیدالله مایار وايي، د روغتیايي خدمتونو مرتسیال فدا محمد پیکان، مالي او او اداري مرستیاله ماموسۍ زیور، د پلان مرسیتاله ډېوه صمد له دندو لرې شوي دي.
وحید مجروح، بشیر نورمل او شفیق شهیم د دې وزارت نوي مرستیالان ټاکل شوي دي.
دا بدلون په داسې مهال دی چې افغانستان له کورونا وېروس سره په مبارزه بوخت دی.