دخپریدو نیټه :يکشنبه ۳۱ حمل ۱۳۹۹ ساعت ۰۹:۵۹
د مطلب کود : 208080
هرات کې په کرونا ویروس د اخته وګړو موندلو لپاره تازه هڅه
د هرات عامې روغتیا ریاست په کرونا ویروس د اخته وګړو د موندلو او د پولیو ضد واکسین د رسولو لپاره خپلو مأمورینو ته موټرسایکل واخیستل.
تمنا پرون د اپرېل په ۱۸مه په هرات کې د ازادي راډیو خبریال ته وویل کارکوونکي به‌یې په 'کووېډ-۱۹' ناروغۍ د اخته وګړو د موندلو لپاره ولسوالۍ په ولسوالۍ وګرځي.

عبدالحکیم تمنا وویل: "موږ ۴۲ موټرسایکل خپلو روغتیايي کارکوونکو او واکسیناتورانو ته واخیستل ترڅو د 'کووېډ-۱۹' ناروغان پیدا کړي، په خلکو کې د کرونا ویروس په اړه معلومات خپاره کړي او ترڅنګ‌یې ولسوالیو ته د پولیو ضد څاڅکي ورورسوي.

په هرات کې د افغانستان د هر بل ولایت په پرتله د کرونا ویروس ډېرې مثبتې پېښې ثبت شوې دي.

د هرات په نهو ولسوالیو کې د 'کووېډ-۱۹' ناروغانو د معاینې او ساتنې مرکزونه فعال شوي دي.
 
سرچينه : د صدای افغان خبری آژانس(آوا)
https://avapress.com/vdcdjj0xzyt0zz6.lb2y.html
تبصره پوسټ کړئ
ستاسو نوم
ستاسو دبرېښنا ليک پته