خوښ ديک ۰

کندز کې د یوې کورنۍ ۷ غړي په ډزو وژل شوي

د کندز امنیتي چارواکي وايي، د یاد ولایت په امام صاحب ولسوالۍ کې د یوې کورنۍ اووه غړي په ډزو وژل شوي او دوه نور ټپیان شوي دي.
کندز کې د یوې کورنۍ ۷ غړي په ډزو وژل شوي
د کندزد پولیسو ویاند هجرت الله اکبري نن یکشنبه اپرېل۲۶(غويي۷) امریکا غږ ته وویل چې دغه پېښه د شنبې په ماښام د یادې ولسوالۍ په «کنم» سیمه کې د کورنیو ستونزو له امله رامنځته شوې ده.
نوموړي زیاته کړه چې په دغه پېښه کې د څلورو نارینوو او درې ښځو په ګډون اووه تنه وژل شوي او د یادې کورنۍ دوه تنه هلکان ټپیان شوي دي.
امنتي چارواکي وايي، یاد کسان پخپل کور کې د کلاشینکوف په ډزو سره وژل شوي دي.
د کندز د امنیې قوماندانۍ ویاند هجرت الله اکبري وايي چې د پېښې په تړاو د وژل شوي کورنۍ د مشر ورور چې د هغوی ګاونډی هم و له یو میل کلاشینکوف او یو میل تومانچې سره نیولی دی.
چارواکي وايي چې یاد شخص د پولیسو تر نظارت لاندې دی چې وروسته به عدلي او قضايي ارګانونو ته معرفي شي.
سرچينه : د صدای افغان خبری آژانس
یکشنبه ۷ ثور ۱۳۹۹ ساعت ۱۵:۰۷
د مطلب کود: 208649 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *