عبدالله عبدالله د خپل ټیم دننه له اختلافاتو سره مخ دی

د دویم نظر خاوندان وایي، که عبدالله عبدالله له اشرف غني سره جوړجاړی وکړي، دوی به ترې لارې بېلې کړي.
که څه هم ثبات او همپالنه ټيم تر دې دمه د خپل ټيم د اختلافاتو په اړه څه نه وایي، خو تر دې وړاندې يې ویلي وو، چې اشرف غني یې د ټیم د ماتولو او پاشلو په لټه کې دی او غواړي، ددوی د سیاسي ملګرو تر منځ درز واچوي.
دغه خبرونه داسې مهال دي، چې نړیواله ټولنه تر بل هر وخت زیات د کابل د روان سیاسي بحران په حل ټینګار کوي او د اختلافاتو د له منځه وړلو غږ کوي.