دخپریدو نیټه :جمعه ۱۲ ثور ۱۳۹۹ ساعت ۰۸:۳۸
د مطلب کود : 209022
د امریکا په نیویارک کې په روانو لاریو کې لسګونه مړي له هغه وروسته موندل شوي، چې لارویانو یې د بوی خپرېدو شکایت وکړ. د اندریو ټي کلیکلې په نامه کفن - دفن شرکت دغه لارۍ کرایه کړې وې او مړي یې له کنګل سره پکې بار کړي وو.


یوه چارواکي د نوم نه یادولو په شرط نیویارک ټایمز ته ویلي، د شرکت یخچالونو کار پرې ایښی و. پولیس سیمې ته بلل شوي، چې له رسېدو وروسته یې شاوخوا لارې وتړلې او وروسته یوه یخچالي لارې هلته ورسېده.
وروسته کارګران ولیدل شول چې د خوندیتوب کالي یې اغوستي وو او مړي یې لېږدول. تر اوسه معلومه نه ده، چې ایا دغه کسان د کورونا وېروس له کبله مړه شوي او که نه،
خو په نیویارک ایالت کې چې له دې وېروسه سخت اغېزمن امریکایی ایالت دی، د مړستونونو مسوولین او ځايي چارواکي د مړینې لوړ شمېر له کبله د جسدونو کفن – دفن لړ کې له ستونځو سره لاس او ګرېوان دي.
د جان هاپکنز پوهنتون د شمېرو له مخې یوازې په نیویارک ښار کې د کورونا وېروس له کبله تر ۱۸۰۰۰ ډېر کسان مړه شوي دي.
په ټول کې امریکا کې له دغه وېروسه د اغېزمنو کسانو شمېر له یو میلیون کسانو اوښتی، چې د نړۍ بل هر هېواد پرتله ډېر دي.
 
https://avapress.com/vdcauonuu49nww1.hxk4.html
تبصره پوسټ کړئ
ستاسو نوم
ستاسو دبرېښنا ليک پته