خوښ ديک ۰

طالبانو په تخار کې له شرابو ډک موټر ضبط کړی

وسله وال طالبان د تخار ولایت په خواجه غار ولسوالۍ کې د شرابو یو ډک موټر او ۲ تنو قاچاق کوونکو د نیولو خبر ورکوي.


تیره ورځ د طالبانو په رسمي ویب پاڼه الاماره د خپاره شوي خبر په اساس په دغه موټر کې ۱۵۰۰ بوتله شراب وو، چې له تاجکستان څخه د تخار ولایت مرکز تالقانو ښار ته لیږدول کېدل: «د کشفي ارګان د راپور په اساس مجاهدینو د تخار ولایت، خواجه غار ولسوالۍ اړوند شاه بیردي سیمه کې له شرابو بار یو موټر چې ۱۵۰۰ بوتله شراب پکې ځای پر ځای شوي او له تاجکستان څخه مرکز ته انتقاليدل له ۲ قاچاق وړونکوو سره لاس په لاس نیولی دی.»
طالبان وايي، د شرابو د قاچاق په تور نیول شوو دواړو کسانو دوسیه یې د «اسلامي امارت» شرعي محکمې ته سپارلې ده.
باید وویل شي چې وسله والو طالبانو تردې وړاندې په بادغیس، هرات او فاریاب ولایتونو کې هم یو شمېر کسان د شرابو د قاچاق او پلورلو په تور نیولي او د محکمې له حکم وروسته په سزا رسولي دي.
 
شنبی ۱۳ ثور ۱۳۹۹ ساعت ۱۴:۵۴
د مطلب کود: 209130 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *