د پښتون ژغورنې مخکښ غړی عارف وزیر د سختونو ټپونو امله مړ شو

له برید سمدستي وروسته عارف وزیر لومړی د ډیره اسماعیل خان مرکزي روغتون او بیا اسلام آباد ته انتقال شو، چېرې چې د هغه درملنه جاري وه؛ لیکن نن سهار یې د سختونو ټپونو له امله په روغتون کې ساه پرې کړه.

د پښتون ژغورنې غورځنګ مخکښ غړي عارف وزیر جسد
د نوموړي جسد به سویلي وزیرستان واڼه ته لیږدولی شي او هلته به په خپل پلرني کلي غوايي کې خاوروته سپارل کیږي.
د پاکستان ګڼ شمېر سیاسي او مذهبي مشرانو د عارف وزیر په مړینه خواشینې څرګنده کړې او دغه پېښه یې په کلکه غندلې ه.
تراوسه دا څرګنده نه ده چې پر عارف وزیر وسله وال برید سیاسي اړخ لري او که د شخصي دښمنۍ له کبله شوی؛ خو په سویلي وزیرستان کې لاهم خلک دخپلو پخوانیو دښمنیو له کبله په عامو ځایونو کې سپکو وسلو سره آزاد ګرځي.