د روغتیا وزارت اټکل: کورونا وېروس به سل زره افغانان ووژني

ښاغلي مایار وویل که خلک همکار نشي ښايي دداسې پېښو شاهدان واوسو.
د عامې روغتیا وزارت هیله وښوده چې له تېرو ۶۰ ورځو راهیسې کله چې د کورونا وبا خپره شوې د کوویډ -۱۹ پېښې د نورو هېوادو په څېر دومره زیاتې نه دي.
په ورته وخت کې ددې وزارت ویاند وحیدالله مایار وویل چې په دې هېواد کې له تېرو ۲۴ ساعتونو راهیسې شاوخوا ۶۰۰ د کوویډ-۱۹مشکوکې پېښې څېړل شوي چې له ډلې یې ۱۷۹ یې مثتبې دي، چې په دې سره ټول افغانستان کې د اخته کسانو شمېره ۲۴۶۹ ته لوړه شوه.
دی وايي ډېری پېښې په کابل کې دی چې ۷۵ ښودل شوي، هرات کې ۲۳، بلخ کې ۱۸، جوزجان ۱۶، کندهار کې ۱۵، غزني کې ۱۰، بغلان کې ۷، په تخار کې ۴، لوګر کې ۵، غور کې ۳، زابل کې ۲ او هلمند کې یوه پېښه مثبته ده.
ښاغلي مایار زیاته کړه، د کوویډ-۱۹ ناروغۍ څخه په تېرو ۲۴ ساعتونو کې ۲۱ تنه روغ شوي چې په دې سره په ټول کې ددې ناروغۍ څخه ۳۳۱ تنه روغ شوي دي. همداراز په دې موده کې ۴ تنه د دې ناروغۍ ښکار شول چې په دې سره ټول هېواد کې د مړو شمېره ۷۲ ته لوړه شوه.
مایار وویل، د کورونا وبا له پیل راهیسې یې په ټول افغانستان کې تر اوسه ۱۱زره او ۶۸ مشکوکې پېښې معاینه شوې دي.