کورونا وېروس: روسیه کې یوه ورځ کې لس زره مثبتې پېښې، او د نورې نړۍ حال

له دې سره اوس په ټوله روسیه کې د کورونا وېروس مثبتو پېښو شمېر له ۱۳۴ زره کسانو اوښتی دی، چې په نړۍ کې اووم تر ټولو ډېر شمېر دی.
خو د امریکا، ایټالیا او اسپانیا پرتله په روسیه کې له کورونا وېروس د مړو شویو کسانو شمېر لا هم کم دی.
د یکشنبې پر ورځ روسیه کې ۵۸ نور کسان هم د دې وېروس له کبله مړه شول، چې ورسره دې هېواد کې د ټولو مړینو شمېر اوس له ۱۲۰۰ کسانو اوښتی.
پلازمېنه مسکو د روسیې تر ټولو ډېره ځپل شوې سیمه ده او هلته روغتیایي خدمات تر سخت فشار لاندې دي.