د امریکا متحده ایالتونو مالیې وزارت وايي، د کورونا وېروس اړوند بېړني لګښت د برابرولو لپاره د کال دویمو دریو میاشتو کې غواړي درې زره میلیارده یا درې تریلیون ډالره پور واخلي.
کورونا وېروس؛ امریکا ۳ تریلیون ډالره پور اخلي
16 ثور 1399 ساعت 8:34
د امریکا متحده ایالتونو مالیې وزارت وايي، د کورونا وېروس اړوند بېړني لګښت د برابرولو لپاره د کال دویمو دریو میاشتو کې غواړي درې زره میلیارده یا درې تریلیون ډالره پور واخلي.
دې وزارت د دوشنبې په ورځ یوه بیان کې وویل، له خلکو او شرکتونو د مالیې ټولولو کې څو میاشتنی ځنډ او د کورنا وېروس اړوند لوی لګښت سبب شوي چې تر سږني جون پورې نږدې درې تریلیون ډالرو ته اړتیا ولري.
دا قرض به د پورپاڼو د صادرېدو له لارې برابر شي.
دا یو ریکارډ پور دی او د امریکا بودیجه کې د یوې چاودنې په ډول بلل کېږي.
دا پور د امریکا په تاریخ کې د کال په دویمه څلورمه برخه کې له هغه پور پنځه ځلې زیات دی چې د ۲۰۰۸ کال مالي کړکېچ کې اخیستل شوی و.
د پور دا وروستی بنډل یا پکېچ د امریکا د اقتصاد ۱۴ سلنه ارزښت سره برابر بلل کېږي.
د امریکا د کانګرس د بودیجې چارواکو تېره میاشت وړاندوینه وکړه چې سږ کال به د دغه هېواد بودیجه ۳،۷ تریلیون ډالر کسر ولري.
د مطلب کود: 209290