خوښ ديک ۰

پکتیکا د لاسي بم چاودنه کې ۲۰ تنه ټپیان شوي

سیمه ییز چارواکي د پکتیکا ولایت په خیرکوټ ولسوالۍ کې د ناڅرګندو وسله والو لخوا د د لاسي بم په برید کې ۲۰ تنو ملکیانو د ټپي کېدو خبر ورکوي. د پکتیکا امنیه قومندان نثاراحمد عبدالرحیم زي د دوشنبې په ورځ(۱۵ غوايي) رسنیو ته ویلي، چې دا پېښه تیره شپه د خیرکوټ ولسوالۍ محمدحسن کلي کې هغه مهال رامنځ ته شوه، کله چې ناپيژاندو وسله والو د جومات مخې ته راټولو شوو خلکو منځ کې لاسي بم وغورځولو.
پکتیکا د لاسي بم چاودنه کې ۲۰ تنه ټپیان شوي

نوموړی زیاتوي، په دغه پېښه کې د ۴ پولیسو او ۴ ماشومانو په ګډون ۲۰ تنه ټپیان شوي دي، چې ټپیان ټول روغتون ته انتقال شوي او روغتیايي حالت یې ډاډمن دی.
تر اوسه دا څرګنده نه ده چې دا برید چا او ولې کړی دی؛ خو امنیه قومندان عبدالرحیم زی وايي، په دې هکله د پولیسو تحقیقات جریان لري او ډیر ژر به د پېښې اصلي عاملین ونیسي او د قانون منګولو ته به یې وسپاري.
په ورته مهال د سیمې یو تن اوسېدونکي بیا د تیلفون په کرښه رسنیو ته ویلي، چې د لاسي بم له چاودنې وروسته سیمه کې ولاړو امنیتي ځواکونو یوې او بلې خواته ناتاره ډزې وکړې، چې یو شمېر کسان د هغوی په ډزو هم ټپیان شول.
د پکتیکا د سیمه ییزو امنیتي مسئولینو او میشتو ولسونو ترمنځ اړیکې له څه مودې راهیسې ترینګلې دي، دوه اونۍ وړاندې هم د پکتیکا مرکز ښرنه کې د امنیه قومندان نثاراحمد عبدالرحیم زي او د مټاخان ولسوالۍ امنیه قومندان ودود اندړ پرضد خلکو پراخ لاریونونه وکړل، چې د والي په منځګړیتوب دغه لاریونونه پای ته ورسېدل.
 
سی شنبه ۱۶ ثور ۱۳۹۹ ساعت ۰۸:۵۲
د مطلب کود: 209301 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *