د افغانستان اسلامي جمهوري دولت له طالبانو غواړي، چي تاوتریخوالی کم کړي، څو د ۱۵۰۰ زندانیانو تر خلاصون وروسته د سولې مخامخ خبرې له ځنډ پرته پیل شي.

د دولت د سولې د تلاښونو په ترڅ کې پرون هم د ولسمشر غني له فرمان سره سم د څرخې پله له زندانه ۱۰۲ تنه نور طالب زندانیان خوشې شول، چې ورسره د ټولو خوشې شویو زندانیانو تعداد ۸۵۰ تنو ته ورسېدی.
د افغانستان اسلامي جمهوري دولت پر طالبانو ږغ کوي، چې د حکومت لخوا د ورسپارل شوې لست سره سم، د امنیتي ځواکونو غړي او ولسي خلک چې طالبانو تښتولي، له ځنډ او خنډه پرته خوشې کړي