په بغلان کې د سکرو د کان دوه کارګر چې د مړینې خبر یې خپور شوی و، بېرته له کانه ژوندي راوتلي دي.

د بغلان ولایت د تاله‌وبرفک ولسوال عبدالاحمد برفکي نن ازادي راډیو ته وویل څلور کارګر څلور ورځې مخکې د سکرو کان ته د سېلاب د ورننوتلو په خاطر د ځمکې لاندې ۱۰۰ مترۍ کې ایسار پاتې و.
هغه وویل د خلکو په مرستو باندې دوه تنه دا کارګر له کانه راویستل شول او د دوو نورو ایسارو شویو د ژغورنې لپاره هم هڅې روانې دي.
د سکرو کانونه په تېره بیا په هغو سیمو کې چې امکانات کم وي تل په‌کې د کارګرو ژوند ته ځیني ګواښونه پېښوي چې له امله‌یې هر کال په نړۍ کې سلګونه دا کارګر وژل کېږي.