خوښ ديک ۰

یونېسف: د کرونا ویروس له اعلان وروسته به ۱۱۶ میلیونه ماشومان وزېږېږي

د ماشومانو لپاره د ملګرو ملتونو وجهي صندوق یونېسف ویلي د 'کووېډ-۱۹' وبا له اعلان څخه وروسته په ۹ میاشتو کې به په ټوله نړۍ کې ۱۱۶ میلیونه ماشومان وزېږېږي.
یونېسف: د کرونا ویروس له اعلان وروسته به ۱۱۶ میلیونه ماشومان وزېږېږي
له دې ډلې یو میلیون ماشومان به په افغانستان کې دې نړۍ ته سترګې پرانیزي.
یونېسف په دې اعلامیه کې خبرداری ورکړی چې د 'کووېډ-۱۹' ناروغۍ په خاطر به امېندوارې ښځې او نوي زېږېدونکي ماشومان له ستونزو سره مخ وي.
په اعلامیه کې له دولتونو او تمویلوونکو ادارو غوښتل شوي چې امېندوارو ښځو او نویو زېږېدلو ماشومانو لپاره بېړني روغتیايي خدمتونه تأمین کړي.
د ماشومانو لپاره د ملګرو ملتونو وجهي صندوق یونېسف ویلي لا نه‌ده معلومه چې کرونا ویروس له امېندوارې مور ماشوم ته انتقالېږي که نه، خو اړتیا یې ده چې په دې وخت کې د امېندوارو ښځو جدي مراقبت وشي.
سرچينه : د صدای افغان خبری آژانس
پنجشنبه ۱۸ ثور ۱۳۹۹ ساعت ۱۴:۰۲
د مطلب کود: 209481 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *